HotWP Zuper Slider - Fullscreen

ثمة مجتمع هنا باذخ بالعطاء مسرف بالجمال ينتظرك من بنات كول إلى نصف المجتمع
من وهج حروفها ينبعث النور ومن جمال حضورها يولد الجيــل فانضم لحزمة الضوء وبادر بالتسجيل





صفحة 1 من 10 123 ... الأخيرةالأخيرة
النتائج 1 إلى 7 من 70
  1. #1
    كـــ جديد ـــول الصورة الرمزية &أميرة الورد&
    تاريخ التسجيل
    28-08-2008
    الدولة
    بيت أبوي
    المشاركات
    25

    Post بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    السلام عليكم
    هذي أول رواية لي أتمنى أنها تنال أعجابكم
    بلييييز أبي تشجيع والا ماراح أكملها
    ملاحظة:للي بينقلها يكتب أسمي(ليه القسا وكلي وفا)لحفظ الحقوق
    .
    .
    ___________________________
    ... بلمك وانثرك واجمعك وارجع وانثرك بإهمال
    بخونك وازعلك
    وارضيك وازعل منك وارضالك ...<<<رومنسية ..خياليه..جريئة
    ___________________________
    ((الفصل الأول))
    ..الجزء الأول..
    اليوم الأربعاء
    الساعة 1الظهر
    الكل جالس بالصالة الجانبيه بعد ماتغدوا
    أنفتح باب المدخل الرئيسى بقوه
    ودخلت وهي ماسكة نص كتبها بيدها ومانتبهت للي جالسين بالصاله وبصوت عالي
    ...................:لللللوووووووللووش للللللوووولوووش لللللوووووووللووش
    محمد عصب:بـنـت ووجـع
    ألتفتت عليهم وعلى وجهها أبتسامة عبط:أنتو هنا
    غدير:لا هناك
    حصة:رنووه وش عندتس تلوللوشين
    رنا وهي تروح لأمها وبفرح تضمها:يممممه يابعد تسبدي عطلنا عطلنا يايمه عطلللنا ماتدرين شكثر
    هالكلمه تفررررحني
    خالد:شوي شوي لاتتقطعين
    هند:الحمدلله والشكر وأذا
    رنا مطننشه ماتبي تخرب فرحتها وتناقز بمكانها كانها بزر:عطلنا يمه عطلنا
    حصة:وهذا بلانا الله يعينا عالجاي
    راكان:بعدين ليش كل هالفرح وعطله النصف بس شههههر(ضغط عليها يقهرها
    رنا بأنزعاج:الله يخليك لاتذكرني ولاتعكر فرحي(وبفرح)يااااااااااااااااي موووو مصدددددقه أبرمي
    كل الهم اللي معي بالزباله و الا شرايكم أحرقهن أزين
    أبو خالد وهو رافع حاجب بس متعود على هبال بنته:وش الهم وش اللي تحرقينهن
    رنا وهي تقوم وتجلس جنب أبوها وشوي وتنط بحظنه:يبه هذا الله يسلمك الكتب المدرسيه
    هند وغدير:هههههههههههههههههههههه
    هند:هههاي حلوه المدرسيه
    محمد:وليش تحرقينهن خلي السواق يوديهن للجمعيه
    رنا بقهر:لا لا أمووووت وأشوف هالكتب تنحرق قداااامي
    أبو خالد يلمس جبينها:والله حالتك صعبة
    حصة:أقول يمه رنا قومي بدلي ملابسك وتغدي
    رنا قامت وباست راس أبوها وأمها:أن شاء الله
    وراحت تجري وتنطنط وعلى كل خطوة تكلم نفسها فرحاااانه:عطلنا عطلنا
    هند:أنهبلت أختي
    غدير:مسسسكينه متعقدة من الدراسة
    رنا مرت من عند رياض اللي توه نازل من الدرج وهي للحين على موالها
    رياض وقف على نص الدرج يناظرها:الحمد لله والشكر ...وكمل طريقه
    رياض:السلام عليكم
    الكل:وعليكم السلام
    أبو خالد:الا على وين؟(رياض لابس بنطلون جينز وبلوزة برتقاليه ضيقة مفصله جسمه الرياضي
    وعليها كتابات بالانجلش)
    رياض:أبروح لواحد من الربع مخيم بالبر
    حصة:بهالظهر عاد
    رياض:الله يهديك يمه شوفي الجو حلو
    خالد:بتنام عندهم
    رياض:ماتوقع
    خالد قام:أجل أنتظرني بروح معك
    هند:وش دخلك أنت هو بيروح لربعه
    خالد عطاها نظره تسكت:ربعي هم ربعه
    هند بخوف:أها أجل كذا روح معاك الله
    خالد:ماطلبت رايك ..وراح
    غدير اللي من أول ماسكه ضحكتها بالغصب ضحكت:هههههههههههههههههههههههههه
    هند:ضحكتي بلا ضروس أن شاء الله
    أبو خالد بنظره:هـنـد
    حصة:يمه رياض خذ معك جاكيتك بالبر برد
    رياض:أيه صح نسيته فوق مييييييييييري
    جت ميري:نعم بابا
    رياض:روحي جيبي جاكيتي تلقينه فوق سريري
    ميري:أوكي
    رياض جلس فوق مسند الكنب
    حصة وهي تمد لرياض كاس شاي:رياض أرجع المغرب لاتنسى عزيمة جدك
    رياض:أيه صح نسيت
    هند:وأنت كلش بس تنسى
    غدير:هههههههههههههههههههههههههه
    رياض عطى هند نظره سكتتها:والله ماحد وضفك مراقبة لحكيي
    غدير:ههههههههههههههههههههههههههه
    هند عصبت:يبه شوف عيالك بس علي
    أبو خالد بأبتسامه:والله ماحد قالك تكلمي
    غدير:ههههههههههههههههههههههههههههههه
    هند قامت معصبه:حتى أنت ..وراحت معصبة
    رياض:الا وين بدير
    ..............:بدير بعينك
    رياض لف لورا:أنت جيت
    بدر باس راس أبوه وجلس مرهق وهو مانزل معطفه الأبيض:أيه غدير صبيلي شاي
    أبو خالد يكلم بدر:من عليه المناوبة الليله
    بدر وهو ياخذ الشاي:للدكتورة أحلام ولي
    جاء خالد وراح هو ورياض
    أبو خالد:وفيصل رجع
    بدر:لا عنده مناوبه مع هيثم
    أبو خالد:أها طيب وش سويت اليوم
    بدر:بس عملية وحدة قصطرة قلب
    غدير تقرفت من حكيهم وراحت لفوق
    أبو خالد:من له
    بدر:لواحد كبير بالسن
    أم خالد:وعساها أن شاء الله أنجحت
    بدر:الحمدلله للحين حالته مستقره
    أم خالد:الله يشفيه
    الكل:آمين
    في غرفة البنات
    هند منسدحة على سريرها تحاول تنام بس ماقدرت من أزعاج رنا
    جلست معصصصصبه:روووونووووه(وترمي عليها المخدة الصغيره بعصبيه)ماتعرفين تقصيرين
    صوتك
    رنا منسدحة على بطنها ورافعه رجلينها وتكلم بنت عمها وعد
    رنا:لحظه وعد(وبعصبيه)وش قالوا لك راديو أقصر أزود
    هند ماسكة أعصابها وراصة على أسنانها:روووين أطلعي برا وكلمي أحسن لك
    رنا ببرود:مو غرفتك(ورجعت تكلم وعد)ههههه لالا ههههه صدددق أحلفي
    هند أنججججججججججججنت:رررررررررررررررررررررررنـــــــــ ــــــا
    أنفتح الباب بقوه
    غدير بأنفعال:خييير أشوف رنا جنبك موب عند الجيران
    هند باستهزاء وعصبيه:لا تعالي أصفقيني أحسن(وهي تقوم بتطلع)الشرهه موب عليكم على اللي
    ياخذ غرفة فيها أنتو
    غدير:وين رايحة
    هند:أبروح لأمي أتسلف منها غرفتها دقايق أبنااااااااااااااااااااااااااااام
    غدير ورنا بأبتسامة عبط:عيييييييييييييييييييييييييييييييييب(وناظروا بعضهم)ههههههههههههههه
    هههههههههههههههههههههههه
    هند:وجع أجل أطلعوا
    رنا:يلا خلاص رحمتك ..وطلعت
    أعرفكم بعائلة أبو خالد
    أبو خالد:محمد دكتور وله مستشفى خاص زوجته حصة
    وعنده
    خالد28متزوج بنت عمه عهود وعنده محمد7يشبه لعمه بدر والجوري6وزوجته حامل بالشهر
    الثالث
    وراكان27متزوج بنت عمه عهد تؤم عهود وعنده غرام7وأسامه 5وحامل بالشهر الثامن
    وبدر26دكتور يشغتل بالمستشفى مع أبوه
    ورياض24عصبي ومغروووور حيييل بس حنون حيل على أمه وجدته وشكله عذاااب عليه عيوون
    مشاء الله تبارك الله الكل يحسده عليه عسلييه وناااعسه وأمه دايم تقوله له أذا أحد أسألك لابس
    عدسااات قل أيييه وبقوه بعد وهو يضحك عليها وحواجبه كثيفه بس مرسوومه رسم على عيوونه
    وشعره طويل شوي لتحت رقبته وكثيف ولونه أسود مااايل للبني الغامق بس مايبان وماأحد يشبه
    له بالعايله غير دلوووعته غرام
    وهند21شعارها في الحياة فلها وربك يحلها وحقها بالطيب بالغصب أخذته أخذته شعرها قصير
    وكثيييف وأسود وجسمها وطولها كأنها عارضة أزياء وتمووت في الأفلام
    وغدير20شعرها لتحت كتفها صابغته بني تكرررررره الرجااااال
    ورنا18زااااااحفه وهوايتها رفع الضغغغغغغط
    __________________
    نزلت لتحت معصبة
    وراحت للصالة الجانبيه اللي الكل مجتمع فيها وعهد وعهود عندهم
    راويه بعصبيه واقفه:عــــهـــــد شوفي أسامة دمر غرفتي
    بدريه بعصبيه:وجع ماتشوفين أختك متعبها الحمل
    راويه:يــمــه
    بدريه:وصمه
    عهد بتعب:خلي الخدامه تنزله تحت ألا غرامي وينها
    راويه وهي تجلس:مع وتين بغرفتها هي والجوري أقول حمودي وينه ماشفته
    عهود:مع أبوه راح للبر
    راويه وهي تناظر بالشباك وتفتح الستاره وهي جالسه:الله الجو روووعه ماطرا جدي التخييم
    أم عساف:ألا بس يقول بعد أسبوع لين الجو يدفا شوي
    عهد:وين سجو
    أم عساف:ياقلبي عليها جت من المدرسة تعبانه وراحت تنام
    عهود:ياقلبي ماصدقت تنتهي الامتحانات
    عهد:راويه بتروحين للعزيمه
    راويه:أكيييييييييييييييييييد
    عهد:تكفين أجلسي معي
    راويه بأستغراب:ليه مو رايحة انتي
    عهد:من جدك وين أروح وأنا أحسني بولد
    راويه:والله أنا ماصدقت تنتهي الأختبارت وتبدا جمعاتنا
    عهود:خلاص أنا أبجلس عندك بس خذي الجوري معكم
    راويه:نشوف
    عهود بعصبيه:وش تشوفين والله أن تبلشني
    راويه:يوووووووه خلاص باخذها بس مالي شغل لو صار شي فيها
    عهود:أقول عهد قومي نروح لفوق ترتاحين
    عهد:يلا
    راويه وهي تشرب العصير:يمه وين أبوي
    بدريه:للحين ماجاء
    دق الجرس
    روايه قامت تركض:أكيد هذا أبوي
    فتحته وعلى وجهها أحلى أبتسامة بس مسرع اختفت الأبتسامه وهي تشوووفه منصدددددمه
    .
    .
    .
    التعديل الأخير تم بواسطة &أميرة الورد& ; 30-08-2008 الساعة 09:31



  2. #2
    كـــ جديد ـــول الصورة الرمزية &أميرة الورد&
    تاريخ التسجيل
    28-08-2008
    الدولة
    بيت أبوي
    المشاركات
    25

    افتراضي رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    كان منزل راسه ويلعب بالسلسة اللي في أيدة وأنفتح الباب ورفع راسة وأنصدم وهو يناظرها
    ........قال بهمس:راويه
    روايه ناظرته بحقد وعيونها غرقانه دمووووع
    ((قلها صريحـــــه"لاتحاول بالالغــــــــــاز
    قلها ولاتخجل .. وردد وراهـــا ..
    اكتب على صفحة التاريخ إنجــــــــــــاز ..
    إكتب إني اليوم اتمنى جفاها ..
    حسافه يالمــلا .. يومه بقلبي فــــــــــــاز ..
    " حقيــــــــــر "
    ماهو كفـو يومي افديه بعيني وماها ..))
    راحت تركض لفوق تخفي دموووعها اللي على وشك الأنهيار
    وقف بمكانه متجمد وضاقت الدنيا عليه يوم شاف دموعها"ليه ياحياتي أموت وأعرف أنا أيش
    سويتلك عشان تكرهيني"
    بدريه:وش فيها ذي
    ..........:أحم أحم
    بدريه رفعت طرحتها ولفتها على راسها:تفضل يمه سامي ماعندك أحد
    سامي:السلام عليكم
    بدريه بأبتسامة:وعليكم السلام حيا الله سامي تفضل
    سامي:الله يحيك لا عمتي أنا ماشي بس جاي آخذ عساف
    بدريه:وين بتروحون
    سامي:للمعارض أبشتري لي سيارة
    بدريه:وليه سيارتك وينها توها جديدة
    سامي بابتسامه:مادريتي صار عليها حادث
    بدريه بخوف:وعسى ماجاك شي
    سامي:لا الحمدلله بس السيارة راحت فيها
    سامي بتردد:عمتي واللي يخليك أقنعي بنتك توافق
    بدريه:والله ياسامي أنت ماتنرد بس الزواج مو بالغصب
    سامي:أدري بس ياعمتي هي كانت موافقه وأنا قبل لاخطبها سمعت موافقتها بس مادري شلي غيرها
    بدريه:والله حتى أنا مادري شقولك
    سامي:طيب ماتعرفين السبب
    بدريه:لا والله ياوليدي
    سامي:حاو...
    قطعهم
    عساف وهو ينزل من الدرج
    عساف:هلاااااااا وغلا نور البيت حي الله سامي
    سامي:ماكنك شافيني أمس
    عساف:لا بس أنت من زمان ماجيت بيتنا
    سامي:بس تدري توي أدري أنك تعرف تقول حكي حلو
    عساف:أصلاً أنا حكيي كله يقطررر عسسسل صح يمه
    أم عساف:صحين ياقلبي
    سامي:لا زين تعرف ياراعي البران
    عساف:يلا مع السلامه يمه تامرين على شي
    أم عساف:سلامتك
    عساف:الله يسلمك يالغاليه
    سامي اللي واقف عند باب المدخل وفاتحه:خلاص ياخوي عرفنا أن حكيك حلو
    عساف وهو ينزل من درج المدخل:ههههههه عشان تعرف
    سامي:ألا متى يبي جدي نخيم
    عساف وهو يركب السيارة:مادري بس جدي سلمني كل شي
    سامي:الله يعينك يدري أنك تموووت في البر
    عساف:أبروح بكرة أبشوف الخيام تروح معي
    سامي:يمكن بس كم خيمه مسوين
    عساف:مو كثير لأن جدي يقول بس عايلتنا
    سامي:يعني جاره أبو صالح مو رايح
    عساف:لا
    سامي:أشوى
    عساف شغل على أغنيه فـقـدك
    سامي لف للشباك يطالع الجو وسرح بعشق الطفوله راويه"آه منك ياراويه عذبتيني أموت وأعرف
    أيش اللي غيرك وش شفتي علشان كل ماقابلتك تتهميني بالخاين أنا لو أكلم بنات يمكن قلت
    سمعتيني ولو أقابل يمكن قلت شفتيني بس لاهذي ولاهذي بس هين ياراويه أن ماكنتي لي مستحيل
    تكونين لغيري وراسي يشم الهوا والله لاخليك تندمين على هدمك لحبنا بسهوله وبدون سبب"
    عساف:يااااااااهو ساعة اكلمك
    سامي:خير وش عندك
    عساف:يعني ماتبي تنزل ليش جايبيني هنا تبي تتفرج
    سامي ناظر للسيارات الكشخة اللي قدامه:يلا أنزل
    أعرفكم على عائلة جاسم
    جاسم ماسك شركة أبوه
    الزوجه الأولى ندى توفت بعد ماجابت
    فيصل30مو متزوج ودكتور يشتغل مع عمه محمد
    الزوجه الثانية بدريه
    وعنده
    عساف27يشببببه فزاع ويمووووووووت في البر والقنص والشعر مافي بيت ماحفظه
    وعهود 25
    وعهد25
    وطلال24 يجنن يشبه لعمه سطام بس هو أسمر مغززززززززلنجي للآخر ومافي بنت ماشبكها معه
    وراويه22بيضا شعرها أسود مخصل بثلجي ويوصل لنص ظهرها
    وسجى 19عربجيه شعرها قصير و قاصته الفرواله وأسود ومخصلته بذنجاني وعيونها للحين ماحد
    حدد لونها كل يوم لابسه عدسات أشكال وألوان وتمووووت على أفلام الرعب والبلاي ستيشن
    ووتين11 دايم هي وسجى هوااااش
    ___________________
    ((في مكتب الأب
    دخل المكتب:هلا يبه بغيت شي
    أبوه:أيوه ياوليدي تفضل
    ..... جلس:سم
    أبوه:أسمع ياعمر اليوم بعد آذان الفجر طلبني عمك وأستحيت أردة
    عمر بنظره وقال بنفسه*وأنا وش دخلني*
    أبوه فهم نظرته وقال بتردد:خطبك لبنته رغد وأنا وافقت
    عمر بصدمه وبعصبيه قام:وبدون ماتاخذ رايي؟؟؟؟
    أبوه بعصبيه أكثر منه وقام:وش فيها رغد مشاء الله جمال وأخلاق
    عمر وهو تحت تأثير الصدمه وبعصبيه:أنا مو على البنت أنا قصدي الزواج مابي أتزوج
    أبوه عصب:ألى متى وأنا وأمك بنلاحقك كنك صغير شوف عيال عمك أصغر منك وعندهم ماشاء
    الله ارجال طولك
    عمر بصراخ:كفيهم أنااا مابي اتزوج يعني غصب
    أبوه:كل ذا الحكي الحين ماينفع وبكره بنروح لعمك نخطبها وملكتك الخميس الجاي
    عمر وهو منصصدم وبقهر:يبه لاتخليني غصب عني أحرجك قدام أعمااامي
    أبوه وهو يهدده:أسمع وحط ببالك لو تحرجني قدام أخوى فأنت لاولدي ولاأعرفه
    طلع ورجع ووقف عند الباب:ترا البنت ماتدري وأنسى أن عندك أبو لو درت))
    منسدح على سريره وحاط يدينه تحت راسه تنهد وهو يعيد الموقف على باله ألف مره يتمنى أنه
    يكووون حلم يكووون سراااب
    طق الباب بهدوء عرف أنها أخته
    عمر وهو ضايق:أدخلي شوق
    شوق دخلت راسها مبتسمة بس أختفت أبتسامتها وهي تشوف أخوها"يمه شكلك ضايق ومعصب
    أجل لو قلت له ودني السوق وش بيسوي"
    عمر باستغراب:شعندك
    شوق:هاه لالا ولاشي ..وقفلت الباب
    عمر أبتسم:خوافه
    شوق وهي تبي تروح لغرفتها"يووه اللحين من يوديني أنا أبي أعرف ليش أبوي جايب سواق
    ومانعني أروح معه ألا مع أمي بس صعبة كل يوم أمي تروح السوق أصلاً هي تكره السوق خلقه
    أجل مافي غير عبدالله هو يوديني(راحت لجناحه بس وقفت)لا عيب أكيد لاهي مع حرمته خلاااااص
    قرررت قرار نهائي أبسكن عند جدتي على الأقل هناك عندي خالتي ريمان مو هنا بس مقابلة طروق
    ورهف"
    ماحست الا اللي باللي يسحب يدها وأصدمت بصدره أرجعت لورا مرتبكة بس مسك يدها
    عمر :وش كنت تبين
    شوق بارتباك:هاه لاخلاص مابي شي
    عمر:الا كنتي تبين
    شوق وهي تبلع ريقها:لا بس كنت أبيك تودتيني السوق بس شفت مضايق قلت بعدين
    عمر:طيب روحي تجهزي تلقيني بالسيارة ..ونزل..
    شوق راحت تركض لغرفتها شوي وتشقق من الفرح
    أعرفك على عائلة أبو عمر زوجته ناديه أخت محمد وجاسم
    وعنده
    عمر28 ملااامحه تجنن وفيه غميزات أذا ضحك واذا عصب واذا زعل وأذا عض شفاته تتطلع وهو
    منقهههر شوي ويكفخ وجهه بس يجنن أسمر وجذاااب وشعره طويل
    ورائف27مللللللك جمال جسمه رياضي هاااايت و ضايع بالدنيا يسافر من دوله لدوله وله أصدقاء
    سوء وسمعته سيئه وأمه متبريه منه ومن أفعاله وله8سنين ماحد شافه
    وعبدالله25متزوج شذى حلووو وفيه شبه من شاروخان ويمووووت موت في شذى وطاير فيها وهي
    حامل ومافي أحد ماقاله أنها حامل<<كأن أول وحدة تحمل في العالم
    وشوق19هاااديه وخوافه وعلى نياتها طييبه وداايم مع الجدة تعطيها دواها وتعتني فيها حتى الجدة
    تموووت فيها وتحبها أكثر من بناتها وفي العطله تخليها تنام عندها وياويل اللي يقرب منها ويأذيها
    لو بكلمه شوق حلوووه بمعنى الكلمه شعرها أسود مايل للتوتي الطبيعي لأن الجدة دايم تحنيه
    وطوووويل حييل لتحت خصرها وأطول بشوي تتمنى تقصه بس الجدة ماتحب الشعر القصير
    وقاصته مدرجات على طوله وتموت في الأفلام الرومنسيه والهنديه
    وطارق13ورهف11
    ___________________
    الساعة5ونص العصر
    جالسة فوق سريرها ومسويه اللفافات على شعرها وتحط لها مناكير
    دخلت أختها معصبة:وعدووووه وين بلوزتي الورديه
    وعد ببرود وهي تكمل شغلها:مادري
    بترد عليها بس أنفتح الباب بقوه وخافن

  3. #3
    كـــ جديد ـــول الصورة الرمزية &أميرة الورد&
    تاريخ التسجيل
    28-08-2008
    الدولة
    بيت أبوي
    المشاركات
    25

    افتراضي رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    دخلت راسها وهي تلهث من التعب:خـ...ـلود وعــ...ـد تعالوا الحقوا
    خلود بخوف:ريناد وش فيك
    ريناد:تعالوا اللحقوووا على سيارة سامي الجديدة ياااهي كشخخخخخة
    البنات نطن وررررركض لتحت
    خلود واقفة قدام سيارة سامي:الللللللله تجنن
    وعد:أحلى من القديمه
    ريناد:تكفى سامي ودنا الليلة لجدي فيها أبوريها بنات عمي
    سامي:تخسوووووووون أنتي وبنات عمك المرجوجات
    أنفتح الباب ودخلت هي وبزارينها اللي قدامها يركضون لسيارة سامي
    سامي معصب:رااااااااااامي أنزل
    رامي فوق السيارة:لا
    نور:ثامي أبي ثيارة مثلك
    سامي مو رايق لها:ليه عربجيه الأخت
    انجود:لاتطنز على بنتي
    سامي:ليه تبيني أشجعها
    انجود:عادي وحدة تصير عربجيه وحور تصير رومانسيه عشان أقدر أفرق
    انجود لفت على خواتها:خييررر أدخلن
    وعد وخلود لفوا على بعض مستغربين
    خلود وهي رافعة حاجبها بقهر:خييير لايكون تحسبين نفسك ببيتك
    وعد:أي والله
    انجود بقهههر وشوي وتبكي:أدخلللللللن الله ياخذكن نصوري بيدخل
    خلود:قولي كذا من أول
    خلود ووعد أدخلوا
    وسامي يحاول ينزل رامي من السيارة
    انجود تحاول بريناد اللي عيت تدخل
    ريناد مبوزة:لا لاتوني صغيره
    انجود عصبت:رينادووه ووجع بتدخلين الـ16وللحين تقولين صغيره
    ريناد:باقي ثلاث أيام وأدخل الـ16
    انجود:ريناد أن مادخلتي ترا والله لاقول لبوي
    ريناد وهي تتحلطم:يوووه ترا مو باكلك نصورك
    انجود ماسكة أعصابها:ريناد أذلفي
    ريناد وهي تروح:أوف الله يكفينا شر الغيره
    أعرفكم على عائلة بندر
    بندر ماسك شركة ثانية لأبوه وزوجته نورة
    وعنده
    سامي26عليه جـمـاال مشاء الله يطيح الطير من السما
    وأنجود 24متزوجه ناصر وعندها رامي 6ونور وحور تؤم 5وحامل بالشهر الرابع
    ورانيا20شعرها لنص ظهرها وقاصته شلال وأسود طالع عليها روعه تموووت في المغامرات وعشقها
    أفلام الرعب
    ووعد18فيها لقافة مو طبيعيه<<<ههههه أجل أصطناعيه
    ريناد15
    ولجين9
    ___________________
    الساعة 7ونص
    ..........:ديانا حبيبتي ديانا قومي
    ديانا:أمممم يمه بس دقايق
    الأم:أي دقايق أبوك ينتظرنا تحت
    ديانا بغباء:ليه
    الأم بنرفزة:وش اللي ليه ناسية عزيمة أبوي
    ديانا وهي تقوم بسرعة وتناظر الساعة:يوووووه تأخرت على البنات والله راح يذبحني
    الأم:أزين ساعة وأنا أقومك يالله تجهزي بسرعة أبروح عند أبوك تحت بالسيارة
    ديانا دخلت الحمام وتوضت وطلعت تصلي
    خلصت من الصلاة وشافت أخوها باسل قدامها
    باسل:ديانا ماما وبابا تحت بالسيارة
    ديانا وهي تكحل عيونها الرماديه بسرعة:أدري اللحين نازلة
    باسل وهو يناظرها من فوق لتحت:بتروحين ببجامتك هذي
    ديانا:لا حبيبي(فتحت دولابها وطلعت بنطلون أسود وفستان حرير أصفر ومزخرف بالاسود)باسل
    قلبي أطلع بلبس
    باسل:أوووووكي
    أعرفكم على عائلة
    هدى متزوجه ثامر
    وعندها ديانا 22حلوه بشرتها بيضا ومخمليه وشعرها لنص ظهرها وقاصته 7 ولونه أسود وكثيف
    ولون عيونها رمااااااادي فاااتح وجلست هدى عشر سنوات أو أكثر ماجابت أاحد وحاولت من
    مستشفى لمستشفى وأخيرا حملت وجابت باسل8 يجنن شعررره كثيييف وأسوود مثل الفحم وعيونه
    كبيره وناااااااعسه وبعدها ماجابت أحد وحاولت بس مافي أمل
    _________________
    الساعة 11ونص بالليل
    راحوا المعازيم من بيت الجد
    قاموا البنات كلهم وأنزلوا لتحت بالصاله بس سجى تلحق ديانا ومن غرفة ألى غرفه ومن دور ألى
    دور ومعها جيك مويه ثلج و أصراخهم و اصل للجيران
    غدير وريناد جالسات بلأرض ولاصقين قدام التي في شوي ويدخلون فيه وريمان وراويه جالسين على
    الكنب ومتحمسين يتابعون فلم أكشن وهند وخلود وانجود ورنا يلعبون كيرم وشوق مع الحريم عند
    الجدة بغرفتها والجد عند العيال والبزارين تطوع السواق بعد ماشيبوا راسه ووداهم للملاهي
    خلود بصوت عالي:يالغشاشه متى أخذتي الخمسين
    هند أرتبكت(لعنهبوها كيف شافتني)وبصوت أعلى من خلود:لا تكذبين أنا أخذتها تو وأنتي ملتفة
    تشوفين الفلم
    خلود بشهقه:بس ألتفت ثانيه مسرع أخذتيها .. انجدوووه وأنتي بطنتس المنتفخ شفتيها
    أنجود ببلاهه:ها لا ماشفتها كنت أتابع الفلم
    هند بصراخ:وأنا وش ذنبي
    رنا تحاول ترقع:أخذناها وبس يلا كملوا اللعب
    خلود:لاااا أول شي تنزل الخمسين
    هند(أووف راسها يابس):مو منزلتها أنا أخذتها
    خلود بعصبيه:ألا سارقتها ياحماره أقول نزليها
    هند باستهزا:هاهايمه خوووفتيني
    ريمان((حلوووه موووت وتحب الصرقعه بس مقرووووووده ماتجي مكان ولا تجيب فكره الأ والمصااايب
    وراها)):لااحووول أزعجتونا أسكتوا
    انجود:يلا خلونا نكمل
    خلود:مو قبل ماتنزلها
    هند معصبه:ماتفهميييين أنا أخذتها
    خلود وهي تقوم وتنط بكل ماعندها من قوه على بطن هند
    هند ماسكه الخمسين بيدها بقوووه وخلود فوقها تحاول تفتحها
    هند بألم وصراخ:آآآآآآآآآآآآآي ياااااااالدبه آآآآآآآآآآآآآى
    خلود:عطيني الخمسين
    هند بمكر وهي تناظر غرفة جدتها وقالت بخوف:خليد خليد قومي جت جدتي ومعها العصا
    خلود ألتفت وهند قامت بسررررعه وخلود عصبت ولحقتها
    هند دخلت المطبخ تركض ووقفت ورا طاولة طعام وأخذت مغرفة
    وهي تسوي حركات زورو بالمغرفه كأنه سيف:حدددك والا هالمغرفة فوق راسك
    رنا أخذت الملعقه الكبيره اللي فوق المغسله ووقفت قدام طاولة الطعام:هع هع هع ماتقدرين أنا
    بهالملعقة أبقلع عيونك أن شاء الله
    الخدم طلعوووا من الخوف
    وبدوا يتحاربون وأصواات المواعين اللي تطيح واللي تنكسر وأنوااع الحوسه وهند أخذت قدر
    وخلته مثل الدرع وخلود معها التاوه<<<عاااايشات بجو ومصدقات
    في الصالة
    عساف واقف ورا باب المدخل الرئيسي ينادي:أحم ريمان .. ريمان
    ريمان بصوت عالي:طيب لحظه .. يلا أنتو ضفوا
    ريناد:لااااااااااااااااااا
    ريمان:ولوا
    غدير:يوووه من بدا الفلم يحمس وذا يجي ينكد
    راويه:أذا كان من أخواني مو رايحة
    وعد:حتى أنا
    ريمان:تلايطو بس يلا قوموا روحوا لغرفة رياان وكملوه
    قاموا البنات وهم يتحلطمون ومابقى بالصالة ألا ريمان
    ريمان:تفضل ماعندك أحد
    دخل عساف:السلام عليكم
    ريمان:وعليكم السلام
    عساف:وش ذا الازعاج اللي بالمطبخ
    ريمان ترقع لانها تدري أن المهبولات بالمطبخ:هاه أكيد الخدامات الرفلات تفضل
    عساف:لا أنا بمشي بس كنت أقول تروحين معنا للبر
    ريمان بصدمه:أيييش البر اللحين بالليل
    عساف:أيه عادي وش فيها الجووو يجنن وتو ماوقف المطر وصفى الجو واليوم 15القمر بيطلع شكله
    رهييب
    ريمان(معجزه أول مره أكتشف أنك رومنسي):ومين بيروح معك
    عساف:بس العيال
    ريمان:وسطام وأبوي
    عساف:سطام راح لاخوياه ويمكن يمرنا وأبوك وأخوانك يقولون برد
    ريمان:وبتنامون هناك
    عساف:لا بس سهره
    ريمان:تصدق ماتنفوت هالطلعه بس أبسأل البنات
    عساف:وأنتي وين ماتروحين ألا ومعك الجيش
    ريمان:أكيـ...
    ماكملت
    .
    .
    .
    .
    .
    .
    .
    ___________________________
    ... بلمك وانثرك واجمعك وارجع وانثرك بإهمال
    بخونك وازعلك وارضيك وازعل منك وارضالك ...<<<رومنسية ..خياليه..جريئة
    ___________________________

  4. #4
    كـــ جديد ـــول الصورة الرمزية &أميرة الورد&
    تاريخ التسجيل
    28-08-2008
    الدولة
    بيت أبوي
    المشاركات
    25

    افتراضي رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    ((الفصل الأول))
    ... الجزء الثاني ...
    دخلت هند عليهم تررركض وتلحقها خلود ومعها الملعقة الكبيره وهي تسب وتلعن هند
    هند الخبله شافت عساف بس على بالها أنه سطام راحت له تركض ومسكته من ورا وسحبته بقووه
    هند:تكفـى سطمممطم طلبتك الله يخليك أنقذني من هالمتوحشه
    خلود قدام عساف ولأنه طويل مارفعت راسها تحسبه عمها:أقووول أطلعي لا سطام ولاغيره بينقذك
    مني
    هند وهي خايفه وتلصق بعساف وتتمسك فيه أكثر:خلووود ترا مايسوى علي عطيتك الخمسين
    خلود بصرخه فجرت البيت وصحت عساف:عطتيني بس بالمقابل ضربتيني وأنا ماراح أخليك ياحماره
    ريمااان فاااااتحة فمها بصدمه تناظر المسرحيييه
    و عساف من مسكته هند حس كأن كهرباء صعقته وهو منصدددم ومطير عيونه والللي أربكه أكثر
    تمسسسك هند فيييه رجععع لصوووابه من صرخة خلود وعصصصب وفك أيد هند بقوه وطلع برا
    معصصصصب ومنحرج بس مايحب يبين
    هند فاتحة فمها منصصصصصصصصدمه بس شافته تمنت لو تنشق الأرض وتبلعها
    وخلود تبكككي من الأحراااج
    أما ريمان بعد ماستوعبت طاحت على الكنب ماسكة بطنها:هههههههههههههههههههههههههههه
    هههههههههههههههههههههههههههههههههههههههههههههههههه ههههههههههههههههههه
    هههههههههههههههههههههههههههههههههههههههههههههههههه ههههههههههههههههههه
    ههههههههههههههههههههههههههههه
    هند جلست على الكنب وهي مصدومه ودمووووعها على خدها من الأحرااااااج
    خلود بصراخ:ضحكتي بلا ضرووووس أن شاء الله
    البنات نزلوا يركضوا من صوت ضحك ريمان اللي واصل للجيران وأنصدمووا من شافوا خلود
    وهند يبكوووون
    غدير وهي تناظرهم بعبط:والله مادري أضحك مع اللي تضحك واللي أبكي مع اللي يبكون
    <<<رايقه الأخت
    ديانا بطنازه:هاهاها حتى لو ماتعرفين السبب
    البنات شوي يبتسمون على شكل ريمان اللي شوي وتتقطع وشوي يكشروا على الثنائي اللي كأن
    عندهم أحد ميت
    ريمان جلست بعد ماهدت وهي تمسح دموعها بس شافت شماغ وعقال عساف طايح:هههههههههههه
    ههههههههههههههههه المسكين ههههه جته جلطه(الثنائي هنا زادوا صياح وهي زادت ضحك)هه
    هههههههههههههههههه
    ريناد عصبت:وجععع ماصدقنا تسكتين ترجعين تضحكين
    انجود ماسكه ظهرها وهي تجلس بتعب:احمدوا ربكم أن فيه وحده تضحك والا أنا من شفت الخبلتين
    يبكن قلت فيه أحد مات
    وفجأة تنهاااال أنواااع من السب والشتم على ريمان من خلود وهند وهي ميتتتته ضحك
    دق جوال ريمان
    ريمان وهي تضحك وتأشر بأصبعها أووص:هههه أسكتوا هذا عساف
    هند من سمعت أسمه غطت يدها بوجهها الأحمممممر تبكي
    ريمان أبعدت عن البنات لأنها لو شافت خلود وهند ترجع تضحك وهي ماصدقت تمسكها خايفه
    منه لا يعصب عليها:ألو
    عساف بهدوء:جيبي شماغي وعقالي بسرعه
    ريمان تنفست تنفس الصعداء:أن شاء الله تبي شي ثاني
    عساف بتردد:أمم ريمان من اللي كانت وراي
    ريمان وهي تناظر هند رحمتها:أخاف تذبحني لو علمتك
    عساف فهمها وقال يصرف:طيب مافكرتي بالطلعة
    ريمان:أبشوف البنات
    عساف:أوكي بسرعه ربع ساعه وبنمشي وقولي لعمتي ناديه تطلع عزبة جدي
    ريمان:أن شاء الله ...وقفلت وراحت للبنات(الحمدلله هادي توقعت أنه يطلع حرته فيني)
    لقت البنات يضحكون علمتهم خلود باللي صار وهي مستانسه تضحك
    وهند جالسه بالكنب وضامه رجولها وهدت بس مبوزه وزعلانه على ريمان لانها ماقالت لهم
    ريمان باستغراب:بنات وين شماغ وعقال
    سجى تستهبل:ودته هند لعساف
    البنات:ههههههههههههههههههههههههههههههههه
    هند تناظرهم بطرف عينها وهي منحررجه:بايخه
    ريمان:جد بنات وينه
    ديانا:ودته ميادة له
    ريمان:زين ألا أقوول بنات عساف عازمنا على سهره
    وعد بسرعه وبفرح:واااااااي بأي مطعم
    ريمان:لا يالدلخه بالبر
    البنات ألا هند وكأنه مو عاجبهم:بـــــر !!!
    ريمان وهي تناظرهم:أيه بر واحمدوا ربكم أنهم فكروا يطلعوكم
    ديانا:بس برد
    خلود:لاعادي ناخذ أكواتنا
    وعد:وبعد بنشب النار
    راويه:وفرصة البزارين مو فيه
    ريمان:يلا بسرعه يقول معكم ربع ساعه(وألتفتت على هند)يلا هنووده
    هند مبوزه بزعل:مو رايحه
    خلود:ياشينك هنووود ماصار شي يسوى وبعدين اللي أعرفه أنك ماتستحين
    هند بطرف عينها:ليه قالوا لك وجهي مغسول بمرق مثلك
    ريمان:هنوده يلا بلا دلع تراه والله مايعرفك حتى قبل شوي سألني مـ...
    هند قاطعتها بصدمه وعصبيه:لاااااااا يكوووووون بعد قلتي له مين أنا
    ريمان ببتسامه:أفا وأنا أقدر أفضح بنت أخوي
    هند وهي تنط وتبوووسها بقوووووووه:فديييييتك يلا بسرعه قبل يناحشون عنا
    البنات:يـــلا
    في الشارع
    ريمان تنادي بصوت عالي:هــنـــد
    هند وراها وطقت كتفها بقوه:خيير تنادين بنت الجيران تراي أسمع
    ريمان ألتفت وراها وببلاهه:ههه أنتي وراي مادريت
    هند باستهبال:ياااحرررام دايم ماتدرين وين الله حاطك
    ريمان:ماعليك مني بس أركبي معي نروح مع عساف
    هند بشهقه:ووووجع بعد الفضيحه لي وجه أركب معه
    ريمان وهي تضحك:عادي مايعرفك
    هند:أقول أنقلعي أركب مع سواقنا الهندي ولا أركب معه
    ريمان:كيفك بس أنا كنت راحمتك قلت يمكن ذبحها الشووووق وأنا أبساعدها ..وركضت طيرررران
    للسيارة عساف قبل ماتذبحها هند
    هند بتهديد وبعصبيه:أيه هين وين بتروحين مني
    ======================
    فـي مكان ثاني
    الدنيا ضلاااااام
    لولا لمبات الشارع القليله
    بـرق يخطف الأبصار+رعـد يفجر الاذان=مطــر غــزيـر
    في رصيف شااارع قديم و فاضي مافيه أحد وأوراق الأشجار اللي حوله متوزعه بالشارع الوصخ
    يركض مثل الذئب اللي يطارد فريسته عيونه تاكلها مافي قلبه رحمه ولااا رأفه عايش بالدنيا مثل
    البهائم .. وقف لانها أختفت من عيونه بس من عليه هو حافظ الشارع مثل أسمه لأنه ساكن فيه
    هو والعمالة المتخلفة أخذ طريق ثاني أقرب له..
    عبايتها نازله على كتوفها ومتشققه ومبلله من المطر القوي شعرها القصير مبلل ومغطي وجهها
    الأبيض الطفولي تركض بس على وين ماتدري دموعها الغزيره أختلطت بالمطر تناظر وراها
    قدامها تركض وهي تلهث من التعب وتتلفت يمينها شماالها تدور مخرج من هالشارع الموحش
    تحاول تصرخ وتنادي بس لسانها أنشل من الخوف وقفت وهي تلهث وتبكي وجسمها متكسر
    من التعب خلاااااااص فقدت الأمل تناظر قدااام الشارع طوووويل وكل شوي يظلم وتقل أنواره
    وحوله بيووت متهدمه و مهجورره تخوف سمعت حركة ورا الأشجار وحست أنه قريب منها ركضت
    بتعب وببطئ وهي تحس خلااااااااص بيغمى عليها
    .
    .
    .
    ____________________________
    وبعد ساعة وصلوا
    كااان الجو يجنن شوي بارد و وضو القمر مبين كل شي
    العيال نزلوا العزبه وعساف يشب الحطب ورياض يساعده والبنات بالجهه الثانيه بعيد
    عن الشباب ورا سياره بندر وسيارة جاسم وماااخذين راحتهم هند تلحق ريمان وهي معصبه
    وريمان تضحك وهي تفحط فيها وتدوخها<<<بزرااان أخر زمن
    البنات جالسين بالفرشه وعندهم فله ووناسه كل وحده منسدحة على الثانيه وجايب لهم
    طلال فصفص(حب)وشكولاتات وكل وحدة تقول نكته أو موقف حصل لها وبس ضحك أما
    سجى وديانا لاصقين عند الضو بجنب فرشة وناديه وهدى عند العيال
    ريناد:بناااات فاتكم عندي لكم مووووقف ماراح أنساه بحياتي
    غدير:ههههههههههههههههههههههههههههههههههههههههههههه ههههههههههه
    ريناد باستغراب تناظرها وهي رافعه حاجب:خير ماقلت شي للحين ليش تضحكين!!
    غدير ترفسها برجلها:وجع الموقف نساك كل شي أنا كنت معك
    ريناد وهي تتذكر:ههههه أي صح نسيت
    سجى:ووجع قولي مو لازم مقدمة كبر جدتي
    ريناد:خلاص أبقول قبل أمس رحت السوق أنا وخلود وأمي وطبعا مامي ماخلتيني أروح معها السوق
    الأ أذا لبست عباة وتكشخخت حدي ولبست كعب أول مره أروح لابسة عباه المهم معي أكياااس
    كثيره أنبلشت فيها ونزلت بالدرج بكل بثقه وفي ثالث درجه هههههههههههه طحت ذيك الطيحة
    وربي أحس أني أنشليت لقيت رجل في جهه ههههه والثانيه في جهه والأكياس طاروا مني وبكل
    مكان تلقونها ههههه وألملم خلاقيني وطيرررران على السياره والناس دوريهم من الضحك حتى في
    واحد الله ياخذه أنسدح من الضحك والله هذا عقاب من ربي لأني متكشخة
    البنات ميتات من الضحك
    سجى:هههههههه زين أعترفتي
    غدير اللي منسدحة على فخذ راويه:هاها لاتتحطمي يابنت عمي فهذه المواقف تحصل عند بداية
    لبس العباة
    وعد :ههههههه أي والله صادقه أنا كم مره أفترشت عند باب مدرستنا حتى الفراش عرفني
    البنات:هههههههههههههههههههههههههه
    ريمان:أحمدي ربك أن هذا موقفك ولا مثل موقفي على الأقل أنتي متغطيه
    شوق:ههههههه وش عندك أنتي الثانيه
    ريمان:ريان الكلب أخذ جوالي و أنا ألحقه من غرفة لغرفة دوخني ونزل لتحت بالحوش وأنا دااازه
    وراه المهم الخدامه توه مغسله الحوش وأركض بقوه وأنفتح باب الشارع ويدخل واحد من ربع سطام
    وأنا أحاول أوقف بس تززحلقت وأنا أصارخ وصقعت بجبهته ويغمي علي
    ريمان والبنات:هههههههههههههههههههههههههههههههههههههههههه هههههههههههههههههه
    هند:هههههههههههه ودري سطام
    ريمان:لو هو داري كان ماشفتيني قدامك
    منال:طيب شسوا من أغمى عليك
    ميادة:مادري بس شكله قطني بالمسبح لأن أول ماصحيت لقين نفسي باالمسبح
    وبعد نص ساعه من السوالف والضحك
    هند سرحت بعساف اللي لابس ثوب أماراتي وعمامه وطااالع نسخه من فزاع وهو يشيل الحطب
    ومر كل اللي حصل قدامها ونزلت راسها"يااااربي وش نظرته يحسبني قاصده ياكل تبن ماقصدت
    مادري كيف خواته مستحملاته عصصصصصبي وتفكيره سلبي بس والله يجنن ويطير العقل"
    ريمان دزتها مع كتفها وبصوت واطي قطعت سرحانها:أكلتي الولد
    هند طالعتها بقهر ودزتها بقوه لين طاحت بالأرض
    ريمان تنفض يديها من الرمل:أوف النعومه بجهه وأنتي بجهه
    هند:توك تدرين
    خلود:يلا بنات قوموا نتمشى
    سجى:ماعلينا منهم اللي يجي يجي
    راحوا كل البنات وتفرقوا يستكشفون المكان
    وريمان كانت بتروح بس لسوء الحظ مسكها عساف يقول اللي محرم لنا يجي يساعد
    عند العيال
    عبدالله يتمشى يكلم حبيبته شذى اللي نزلها عند أهلها العصر
    وعمر راح يتمشى وضااايق خلقه راح لفوق الطعس لين وصل للقمه وانسدح وهو يتأمل القمر
    وكأنه قريب منظر ولا أروع وتنهد من كل قلبه(ليه يايبه ليييه يايمه أنا وش سويتلكم عشان
    تزوجوني بنت عمي ليييه صح هي حلوه ومثل القمر بس أنا مأحبها آآآآآآه يا نادر والله فقدك
    يالييييتك عندي وتطلعني من هالورطه اللي أنا فيها)
    طلع جواله ودق على أغلى صديق له نادر
    عمر:ألوو
    نادر:هلا والله
    عمر:هلا فيك
    نادر:كيفك شعلومك وينك قطعت
    عمر:والله أنا من أمس وأنا أتصل عليك بس الخطوط مقطوعه الا كيف جو بريطانيا
    نادر:غيوم عمر وش فيك صوتك مو عاجبني
    عمر تنهد:آآآآه شقولك يانادر أبوي خطب لي بنت عمي
    نادر بصدمه:أييييييييييييييييييييييييييش
    عمر:اللي سمعته
    نادر:وحنين؟؟؟
    عمر:مادري
    نادر بعصبيه:وشلون ماتدري أنت تحبها صح؟
    عمر:ألا أمووووووووت فيها
    التعديل الأخير تم بواسطة &أميرة الورد& ; 30-08-2008 الساعة 00:50

  5. #5
    كـــ مبتدء ـــول الصورة الرمزية نونا الرياااض
    تاريخ التسجيل
    23-08-2008
    الدولة
    الرياض فديتها
    المشاركات
    51

    افتراضي رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    كملللللللللللللللللللللللللللللللللللللللللللللي هيها رووووووووووووووووووووووووووووووووعه

  6. #6
    كــ خطيرــول الصورة الرمزية Ĉ ζ α ṡ ṡ ΐ с
    تاريخ التسجيل
    26-03-2008
    الدولة
    In ThE DrEaM !
    المشاركات
    1,468

    افتراضي رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    وااااااااااااو تجنن كمليها بليــــــــــز

  7. #7
    كـــ جديد ـــول الصورة الرمزية &أميرة الورد&
    تاريخ التسجيل
    28-08-2008
    الدولة
    بيت أبوي
    المشاركات
    25

    Post رد : بلمك وانثرك واجمعك وارجع وانثرك بإهمال<<<روومنسيه وخياليه وجريئه حيل

    السلاام عليكم

    بنت مره كيوت
    وعاشق الوجد
    لعيوووووووونكم أبكملها
    ......
    يتبع
    خربت سيارته وجلس فيها يستنى المطر يوقف عشان ينزل
    شغل المسجل يسلي نفسه بس طفش وطفه ودق على أعز صديق له يزيد
    يزيد:هلا
    ........:هلا وغلا بأبو عبد العزيز
    يزيد:لا والله مصدق أني أبسميه عليك
    عبدالعزيز:وش حلاة أسمي وبعدين يمكن يطلع علي مزيووون
    يزيد:أذا بيطلع مزيون موافق المهم وش عندك داق
    عبد العزيز:أفا يالحبيب يعني مادق عليك ألا عندي شي
    يزيد يستهزا:هههههااااي بتفهمني أنك داق تتطمن علي كثر منها بس
    عبد العزيز:أقول لا يكثر .. سيارتي مادري وش فيها وقفت في نص الشارع
    يزيد:هههههههههههههههههههههه
    عبدالعزيز:أقولك سيارتي خربت وتقعد تضحك صدق ماعند دم
    يزيد:هههه لا بس ما قلت لك أنت ما تدق علي ألا أذا عندك شي
    عبدالعزيز:مادامك داري زين طيب أنت وينك
    يزيد:راااحت عليك يالخوي أنا بالشرقيه مو عندك
    عبد العزيز:أيا الخاين بالشرقيه وأنا مأدري
    يزيد:أمي وأنا مادري
    عبد العزيز:طيب شسوي أنا يابو الفزعات
    يزيد:يمكن البنزين مخلص
    عبدالعزيز:لا يالذكي أنا توني معبيه .
    يزيد:طيب وقف لك أحد من الناس يساعدك؟؟
    عبد العزيز:ماعندي أحد أنا طحت بشارع مهجور مافيه غير بيوت طين متهدمه وشكلها مهجوره
    يزيد يستهبل ويخوفه:عزززززيز يمكن هذي البيووووت مسكووونه وفيها أحم أحم بسم الله
    عبد العزيز:لاتخاف علي قاري أذكاري وبعدين من قالك أني خايف
    يزيد يكمل:بس أنتبه يمكن يجيك واحد متشكل بأنس والا تجيك قطوه سودا والا جنيه عجوز
    تقولك ساعدني ودني للبيت عاد أنت تحب العجز وتوديها للبيت وتقفل عليك وتتلبسك
    والااا أقوول تذكر ذاك الفلم اللي كله عن الجنون تذكره يوم تطلع بنت حلوه على البطل
    وأغتر فيها وراح معها وصارت بالأصل عجوز ومصت دمه وخلته متوحش مثلها يمكن يصير لك
    مثله والا..و....و.....و....(شكله بعيد الفلم)
    قاطعه عبدالعزيز بخوف وصرخ عليه بقوه بعد ما شاف قطوه بيضا تمشي قدامه:بس بس الله ياخذك
    أنت والفلم قل آمين أنا ناقص لو أنت مكاني كان أنجنيت يزيد المكااان يخوف وأنت تزيد الطين بله
    يزيد يرقع:ههههههه لا لا أنت أقوى من كذا أصلا الجني أذا شافك مايرده ألا المريخ
    عبدالعزيز يستهزا:يقالك رقعتها أنت وجهك
    يزيد:حبيبي عزوز مايزعل علي صح
    عبدالعزيز ماد البوز:لا مو صح
    يزيد يبكي(يستهبل):اهئ اهئ ازعل علي وطقني وكفخني وامسح بوجهي البلاط بس لا تتزوج علي
    تكففففففففى حبيبي أهئ أهئ
    عبدالعزيز:ههههههههههههههه لا ماينفع خلاص أنا قررت
    يزيد: .. ألو .. ألو (بدا الأتصال يقطع)
    عبدالعزيز:هلا معك
    يزيد:وش فيه الصوت مو واضح
    عبد العزيز:الجو عندي مو صافي
    يزيد:ليش وش عندك
    عبدالعزيز:وش عندي قل وش ماعندي من رحت للشرقيه وتجينا أمطار خير ورعود وبروق شكلك
    كلك ذنوب أستغفر الله
    يزيد:أيه هين أنا كلي ذنوب يلا شوف مين بيطلعك من مصيبتك..وقفل
    عبد العزيز:لااا الو زيود ألو ..لاحوول شسوي اللحين .. التفت للشارع شاف النخل و الأشجار
    الطويله تتحرك بقوه مع الهواء والمطر ينزل بقوه وصوت الهواء مع المزارع المهجورة يروووع
    (رجع له حكي زيود كله)..وخاااف
    |عبدالعزيز شخصيته جذاااابه فيه شبه كثيير من جون ابراهام شعره لتحت أذنه
    وكثيييف وناعم ولونه أسود مثل الفحم وعمره28ومو متزوج|
    ضميره:خير أن شاء الله ياعزيز أخبرك رجال مو بزر
    ..تنهد و سحب جاكيته الجلدي لونه أسود من المرتبه اللي بجنبه ولبسه وفتح باب السيارة
    وفتح الكبوت وطلع منه دخان وأنبلش
    عبد العزيز وهو يحاول يصلح سيارته:ياربي وش أسوي ..آه يازيود صار وجودك في حياتي شي مهم
    لو مانقذتني من دلع أمي الزايد كان صارت علوم آه بس لو توافق الخبله اللي عندي وتصير نسيبي
    بس أشهد أنك رجاااال يوم ماوافقت ماتركتني وزعلت ماعليه أنا أوريها الدلوعه قالت أيش قالت
    مو من مستوانا آآآآخ بس أذا ما....
    تقشعر جسمه وهو يحس بيد تمسك وتسحب جاكيته بقوه
    .
    .
    .
    .
    ______________________________
    بمكااان ثااني بعيد عن الضوضاء وأزعاااج المدن وأنوارها
    في قرية صغيره
    وبالتحديد في بيت شعبي صغير وقديم نصه طيني جنبه مزرعه كبيره وكم بيت بعيد عنه بعضه
    مهجور والبعض لا
    مكانها المفضل لها هو الحوش تفرش لها سجاده كبيره وتجلس فيها بانت التجاعيد في يديها ووجهها
    وحتى جسمها وتقوس ظهرها كبرت بالسن وبدت تنسى وماتسمع
    كبرت وكبرت معها همومها جالسه على سجادتها
    تصلي القيام وسلمت..:ياغلا ياغلا
    غلا في المطبخ الصغير تغسل الصحون ورافعه أكمام قميصها:نعم
    الجده:غلا ياغلا يامن الصمخ ماتسمعين
    غلا:يوووه نسيت أنها ماتسمع أووووف يعني لازم أجيب مايك
    وقفت عند الباب وهي معها صحن صغير تفركه بالصابون:نعمممم جدتي بغييييتي شيييييي
    الجده:وين الاكل
    غلا:اللحين يجهز
    الجده:وش قلتي
    غلا بصوت عالي:اللحييين بيجههههز
    الجده:هيييه فقعتي أذني تراااي أسمع
    غلا دخلت للمطبخ:ههههه ما ينعرف لها الجده غيري
    جابت معها أكل وجلست عندها بالارض
    الجده:يابنت بكره تبين تدرسين عشان أقول لابو محمد جارنا يوصلك معاه
    غلا أبتسمت((والله ياجدتي كبرتي وخرفتي حتى ماتدرين أن الاجازه بدت))
    غلا :لا مو دارسه
    الجده:ليه ما تدرسين ترا ماراح تنفعك غير دراستك
    غلا((جدتي تحسبني أني للحين بالمتوسطه ماتدري وحتى لو درت ماراح تفهم أني خلصت الثانويه
    بنسبة عاليه وماقبلتني الجامعه مع أن فيه بنات نسبتهم أقل مني بكثير وقبلوهم الله يخلي لهم
    الوسطاااات>
    خلصوا وغلا أخذت الأكل راحت للمطبخ
    ((غلا بنت يتيمه ساكنه عند جدتها أم أبوها...بنوته وملكة جماااال من يوم كانت صغيره عيونها مثل عيون أبوهاالخليجي واسعه وجذااااابه حيييل ورموشها كثيفه وطويله أما لون عيونها مثل أمها الايرانيه لونهاا زيتي فاااتح
    وفيها لمعه وبشرتها بيضاااء وجسمها أحلى من عارضات الأزياء خلقه هي ماتحب تسوي
    شعرها ناعم وطويييل حيل لأنه ماعمرها قصته ولونه مثل عيونها اللي يشوفها يقول مستحيل تكون هالبنت عايشه بقريه خطبوها الشباب والشيبان وهي رافضه فكره الزواج عشان جدتها تقعد عندها ومالها غيرها بهالدنيا وقالت لجدتها مثل أنك ماتركتيني وأنا صغيره ماراح أترك وأنا كبيره وتخااااف على جدتها لأنها كبرت وضعفت قوتها
    وتخاااف في يوم تقوم ولا تلقاها))
    الجده:ياغلا ياغلا
    غلا طلعت من المطبخ:نعم
    الجده:جيبي فراشي هنا أبنام بالحوش
    غلا:بس يايمه أخر الليل يبرد الجو
    الجده:ماعليك مني بس روحي جيبي فراشي
    غلا تنهدت:أن شاء الله
    نامت جدتها وهي راحت للمطبخ أخذت لها كوب شاي وكيسة فصفص(حب)
    وراحت لغرفتها الصغيره فيها مكتبه صغيره خشبيه قديمه فوقها تلفزونها الصغير
    هو تسليتها الوحيده وفراشها على الأرض جلست قدام التلفزون ووراها
    مركا تستند عليها غيرت القنوات ومالقت شي يعجبها وطفته((ألى متى ببقى على الحاله
    لاصديقات ولا جارات آآآه بس لو عندي أخت أو أخو أو بنت عم أو بنت خاله يمكن حياتي
    ماتصيييير بهالممل آآآآه)نزلت دموعها بألم
    ______________________
    ((الفصل الأول))
    .. الجزء الثالث ..
    تعبت وهي تركض شافت رجل
    وهـــــو الأمــــــل الــوحـيــد
    ركضت عنده بتعب ومسكت جاكيته من وراء
    عبدالعزيز فـز وألـتـــفـت مرعوووووب :بسم الله الرحمن الرحيم
    تلهث وتبكي تحاول تمسكه
    عبد العزيز حكي زيود يتردد باذنه صرخ بوجهها :أبــعــدي
    عبد العزيز وهو خااايف:أنتي أنس والا جن
    البنت تلهث من التعب ومو قادرة تحكي وأشرت له مكان بين الأشجار
    عبدالعزيز رفع راسه وهو بعيد عنها لقى واحد واقف بعيد ورا الزباله وشكله هندي و انحاش
    بسرعه
    ماتكلم ألا ويشوف جيب الهيئه ينور عليهم
    هنا عبدالعزيز خااااف وقلبه غاص وتمنى اللي قدااامه من جد تكووون جنيه وتختفى
    رجال الهيئه(تمشي بهذا الحي لأنه مشبوه وبعيييد عن عييون الناس ومن شافت سيارة عبد العزيز
    وسط الظلام بالجو الماطر كان قصدها خير وهم يساعدونه بس أنصدموا وهم يشوفون بنت تحاول
    تتمسك فيه وهو يبعد وهي تبكي كأنها تترجاه يتركها)
    البنت أغمي عليها وهي متمسكه بعبد العزيز اللي متجمد بمكانه
    .
    .
    .
    _______________________
    نرجع للبر
    خالد وناديه وهدى جالسين عند النار يشربون شاي ويسالفون>>>>>>
    وعبدالله متكي على المركة ومتمدد وماسك جواله يرسل مسجات لشذى اللي راحت تزور أهلها
    وبتقعد عندهم كم يوم لأنها تعبانه شوي
    عبدالله أرسل لها( من زود حبي لك يقولون مسحور ....... ان كان حبك سحر مبغى علاجه )
    عند شذى
    شذى وهي متمدة على السرير وماسكه بطنها توها في داخلة في الشهر الثاني شافت المسج
    وأبتسمت وهي تقراه
    عبود أخوها عمره 16كان جالس على طرف السرير:هيه خير من أول جالس عندك قاعد أقرقر
    وأنكت عليك مابتسمتي ومن شفت مسج أبتسمت حرام غش
    شذى:أقول وش رايك تذلف من زين سوالفك عاد اللي يجيب الهم
    عبود فتح عيونه:طردة هين ياشذووه بتشوفين أن ماكرهت ولدك فيك مأكون ولد ابوي
    شذى:أقول تلايط بس وبعدين أنت ليه مصر يكون اللي بطني ولد
    عبود برجاااء وحزن مصطنع:تكفيييييين شذى أبي وووولد ووولد مليت لحالي ماعندي لا أخو ولا
    ولد أخت يلعب معي بلايستيشن(وعصب)ماتفهمين أنتي وخواتك كل يوم جايبين لي بنت
    شذى وهي ترفع يديها:الحمدلله والشكر على نعمة العقل
    عبود عصصب:شافتني مجنووون
    شذى:مادري رح شف بالمرآيه
    عبود بيرد عليها بس اهجموا عليه بنات خواته الصغار وكلهم:خالو عبود خالو عبود
    وهو جن جنووووونه وشذى أنزعجت
    ريناد:خالو عبود خالو عبود أنت هنا وحنا قالبين البيت تحت فوق ندورك
    غدير:خالو عبود خالتي البندري تقو...
    وتقاطعها لميس:أسكتي أنا باقول خالو عبود خالتي
    ريناد وهي تضربها:أنا تكلمت قبلك أثكتي خالو عبود
    رغد:أثكتوا كلكم أنا ابدول(باقول)خالو ئبود
    وكلهم تهاوشوا وازعجوا عبود بكلمة خالي عبود لين كرهها
    عبوود انجن وعصب وصرخ عليهم صرخه قومت البيت وسكتت البنات:وججججججججججععع
    يوجعكم وياخذكم يااااجعلكن للجلللللطة كرهتوووني باسمي الجمييييييل(البنات طلعت عيونهم
    وتجمدوا و شذى حطت يديها على أذنها والعائله صفت عند الباب)(وبرجاااء على قهر وشوي
    ويبكي)حرااام عليييييكم حررررررام أرحمووووني عذبتووووني لا ليلن أهنابه ولا نهار أرتاح به
    بناااتكم جنوووووني حرررررام (وبدا يغني بموال)والله حراااااام والله حرررام
    أمه جته وضمته:ياعمرررري ياوليدي
    أمل أخته عمرها 24متزوجه وعندها ريناد6وغدير5ورغد3واقفه عند الباب ومعها المغرفه لانها
    كانت بالمطبخ تسوي أكل كشت عليه:ماااااااالت عليك ..وراحت
    عبود يمسح دموووع التماسيح وبكذب:شفتي كيف يايمه شفتيييي العذاب اللي أنا عايش فيه
    الأم وهي تمسح على شعره:ياااحبيبي ماعليك منهم
    رنا أخته عمرها25وعندها لميس7ولمى 5وليال2وحامل ماسكة كرشتها حامل في الشهر الخامس
    وكشت عليه:مااااالت اللحين مقوم البيت ومقعده وجايبني من تحت عشان كذا آآآه يابطني..كشت
    عليه مره ثانيه وطلعت..
    ريم عمرها18واقفه عند الباب ومسويه مكياج بعين وحدة(فاضيه وتلعب):على بااالي عندك سالفه
    وراحت تكمل لعب بوجها
    عبود:يمااااااااه شوفي بنااااااتك
    البندري عمرها20حاطه يدها على خصرها:اللحين ليييه كل هالصراخ يالمنتف والله لو قام أبوي
    نتفك زياده عن منت منتف
    عبود عصب:الللحين أنتي ليه مرسله كل هالجيش علي بغوا يخنقوووني
    البندري:والله بصراحه أزعجوني وجنوني قلت ليه مايوديهم عبيد لنزززهه في الغابه قصدي البر
    عبود بقهر على عصبيه:كركركركر ضحكتيني قاااالوا لك سووووواق
    شذى طفششت منهم وباين أن مافي أمل منهم يطلعون من غرفتها
    ناظرت بأخوها عبود وتنهدت وأرسلت لحبيب القلب
    (ليت الخلايق تنقلب كلها أنت ...... وأصير أشوفك كل ماشفت مخلوق)
    نرررجع لعبدالله اللي أول ماشف المسج أبتسم وقلللبه يرقص من الفرح"يانااااس أمووووت فيها"
    طلال وهو يناظره بخبث:عبيييد وش عندك
    عبدالله ناظره باستحقار:وش دخلك
    طلال قام بخفه وأخذ جوال عبدالله من أيده ورررركض
    عبدالله عصصصب وهو يلحق طلال:طلييييييل رجع الجوال أحسن لك
    طلال وهو يركض ويضحك:لحظه خليني أقرا المسج ياروميو
    عبدالله معصب:على تبين يااااويلك لو تقراه شي مايخصك
    طلال ماقدر يقرا المسج لانه يرررركض ويضحك
    وعلى هالحال لين مسكه عبدالله وضربه ضرررب
    _______________________
    التعديل الأخير تم بواسطة &أميرة الورد& ; 30-08-2008 الساعة 09:50

صفحة 1 من 10 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275